Austurvöllur 8. nóvember - myndir

Hér eru myndir af því þegar nokkrir borgarbúar komu saman núna síðdegis á Austurvelli. Alltaf gaman að sjá mannlíf í miðborginni okkar. 

Athugasemdir

[Sigurlína Ólafsdóttir (IP-tala skráð) 8.11.2008 kl. 20:24]

Allveg er hann furðulegur fréttaflutningurinn af mótmælonum á austurvelli í dag. Ég var ein af þeim mörgu sem voru þar í friðsælum mótmælum, hvergi var minnst á mikinn meirihluta mótmælenda sem voru afar friðsamir, nei það er ekki frétt. Ég hvet alla íslendinga til að mæta á austurvöll á næsta laugardag, og sýna samstöðu með því að mæta. Það eina sem við förum fram á er réttlæti fyrir alla, og spillinguna burt.

[María Kristjánsdóttir, 8.11.2008 kl. 22:38]

Flottar myndir. Þeir í sjónvarpinu koma hins vegar alltaf tíu mínútum fyrir fund til þess að ná sem fæstum!

[Lára Hanna Einarsdóttir, 10.11.2008 kl. 11:41]

Af hverju tókstu enga mynd af mér? 

[Emil Hannes Valgeirsson, 10.11.2008 kl. 12:52]

Er þetta ekki þú þarna uppi á Alþingishúsinu?

[Greta Björg Úlfsdóttir, 10.11.2008 kl. 13:04]

Mætum öll á Austur völl 15. nóvember!

[Lára Hanna Einarsdóttir, 10.11.2008 kl. 21:29]

Ertu galinn! Ég er svo lofthrædd að ég þyrði þessu ekki. Hefði þorað á hans aldri samt. 

[Matthildur B. Stefánsdóttir, 11.11.2008 kl. 15:27]

Þú hefur bara verið þarna rétt hjá okkur.  Mér sýnist að það sjáist aðeins í Bjössa á efstu myndinni.  Við urðum ekkert vör við þessar óeirðir, nema Bónus flaggið auðvitað, heyrðum að vísu einhver læti í fjarska.

[Greta Björg Úlfsdóttir, 11.11.2008 kl. 23:14]

Segi eins og Matthildur, ég var svo upptekin að hlusta á Einar Má að ég heyrði hvorki annað né sá, ekki einu sinni Bónusfánann!

[Emil Hannes Valgeirsson, 12.11.2008 kl. 00:01]

SJálfur var ég svo upptekinn við myndatökur að Bónusfáninn fór einnig framhjá mér, sama má kannski segja um ræðurnar. Ég held að næsti fundur verði mjög settlegur og að engir óeirðaseggir verði til vandræða nema hingað komi snaróðir ICESAFE reikningseigendur að utan.

Annars var Bónusfáninn afar snjallt uppátæki og með ólíkindum að það skuli vera mögulegt að draga svona fána upp á þinghús landsins, þrátt fyrir allar löggurnar.

[Greta Björg Úlfsdóttir, 12.11.2008 kl. 00:17]

Það voru nú ansi nettir og kurteisir Hollenskir sparifjáreigendur sem RÚV tók viðtal við í Leifsstöðu þar sem þeir voru að koma til landsins til þess að kynna sér málin af eigin raun. Eins og þau sögðu: Það er ómögulegt að sitja sár og reiður hinum megin við hafið og vita ekkert hvað er að gerast - könnumst við nokkuð við þetta hérna megin? Fólkið sagðist bæði vilja ræða við yfirvöld, stjórn Landsbankans og ÍSLENSKAN ALMENNING. Mér finnst þetta mjög jákvætt framtak.

Manni rann til rifja að heyra um verkefnin þeirra sem eru stopp út af Icesave: Einn að byggja upp atvinnustarfsemi í Kenýa, annar hafði selt húsið sitt, og ætlaði að nota peninga til að borga verktaka til að byggja nýtt. Kona hafði selt húsið sitt til að borgaháskólanám 3ja barna sinna.

[Emil Hannes Valgeirsson, 12.11.2008 kl. 00:46]

Já það er satt, það voru því miður raunverulegir peningar venjulegs fólks sem töpuðust með Icesave en ekki ímyndaðir fjármunir. Hollendingar eru friðsæl þjóð, það mega þeir eiga. En nú þarf að finna út hvað varð um alla fjármunina.