Árlegt hafísslágmark á Suðurhveli

Á þessari síðu er hafísinn á heimskautunum eitt af umfjöllunarefnum. Ég hef þó fram að þessu ekki mikið skrifað um Suðurskautsísinn enda hefur þróunin þar ekki verið eins dramatísk eins og hér í norðri en ef eitthvað er hefur hafísinn frekar aukist án þess þó að hægt sé að tala um einhverja róttæka þróun í þá átt. Eins og venjulega á þessum árstíma er hafísinn í lágmarki þarna suðurfrá og á næstu vikum mun hafísinn fara að aukast á ný eftir því sem sólin lækkar þarna á lofti. Á suðurhvelinu er annars gríðarlega mikill munur á hafís eftir árstíðum, miklu meiri munur en á norðurhveli. Þegar vetur gengur í garð á suðurhveli vex ísinn hratt og örugglega án þess að nokkur meginlönd nái að hefta útbreiðsluna en sá mikli ís bráðnar svo að mestu leiti um sumarið. Helst er það austan megin við Antartíkuskagann sem ísinn heldur velli enda er hann þar í góðu skjóli fyrir ríkjandi vestanáttum.
Á myndunum hér að neðan sést vel munur á útbreiðslu hafíssins á suðurhveli milli árstíða, önnur sýnir útbreiðsluna síðastliðinn september en hin er frá 16. febrúar. Heldur minni hafís er að þessu sinni en á sama tíma í fyrra en virðist þó vera í meðallagi miðað við lágmörkin frá 1979. (Myndin er frá National Snow and Ice Data Center)

Á myndinni hér að neðan má sjá hinar miklu árstíðabundnu sveiflur í hafísnum á Suðurhveli frá árinu 1979. (Cryosphere Today)

Eftir því sem spekingar og tölvulíkön segja er fullkomlega eðlilegt að hafísinn á Suðurhvelinu hafi ekki minnkað á sama hátt og á norðurslóðum. Suðurskautslandið er meginland umlukið úthöfum allan hringinn en vegna þessara miklu úthafa er þessi syðsti hluti væntanlega seinna til að bregðast við hlýnun jarðar. Mun minna af hlýju lofti berst líka til Suðurskautslandsins en til Norður-Íshafsins þar sem kaldir sjávarstraumar og vindar hringsóla um Suðuskautslandið allt árið og verja það fyrir mildara lofti. Því má líkja Suðurskautslandinu við risastórt hringtorg á botni jarðarinnar nema hvað umferðin gengur öfugt miðað við það sem við eigum að venjast.

- - - - - 

Eftir nokkrar vikur má svo búast við hinu árlega hafísshámarki á Norðurhvelinu og um það mun ég einnig fjalla þegar þar að kemur, vonandi af einhverju viti, eða svo langt sem það nær.

Athugasemdir

[Ágúst H Bjarnason, 25.2.2009 kl. 06:54]

Þeir sem hafa fylgst með ferlum sem sýna útbreiðslu hafíss á norðurslóðum undanfarnar vikur voru farnir að furða sig á útliti blá ferilsins á myndinni hér fyrir neðan. Fyrir fáeinum dögum (17/2) uppgötvuðu  menn að skynjarinn í gervitunglinu hafði verið bilaður í 45 daga, og var þar komin skýringin á undarlegheitunum.

 

Á myndinni hér fyrir neðan má svo sjá hvernig þetta birtist á vefsíðunni Cryosphere Today. Þó aðeins einn dagur sé milli myndanna má sjá mikil göt í ísnum á myndinni hægra megin.

 

 Á vefsíðunni stóð:

February 17, 2009 - The SSMI sensor seems to be acting up and dropping data swaths from time to time in recent days. Missing swaths will appear on these images as a missing data in the southern latitudes. If this persists for more than a few weeks, we will start to fill in these missing data swaths with the ice concentration from the previous day. Note - these missing swaths do not affect the timeseries or any other plots on the Cryosphere Today as they are comprised of moving averages of at least three days.

---

Einnig frá NSIDC Sea Ice News:

As some of our readers have already noticed, there was a significant problem with the daily sea ice data images on February 16. The problem arose from a malfunction of the satellite sensor we use for our daily sea ice products. Upon further investigation, we discovered that starting around early January, an error known as sensor drift caused a slowly growing underestimation of Arctic sea ice extent. The underestimation reached approximately 500,000 square kilometers (193,000 square miles) by mid-February. Sensor drift, although infrequent, does occasionally occur and it is one of the things that we account for during quality control measures prior to archiving the data. See below for more details....

[Emil Hannes Valgeirsson, 25.2.2009 kl. 08:35]

Já, það hefur einmitt verið eitthvað bilerí í mælitækjum undanfarið. Myndirnar sem ég birti hér fyrir Suðurskautið eiga þó að vera yfirfarnar og réttar.