Óyggjandi merki þess að vorið sé á næsta leiti

Vorið er að vísu ekki komið, en með hverjum degi hækkar sólin á lofti og bræðir snjóinn þótt afkastamest sé þó rigningin. Þegar svo innkaupakerrur stórmarkaðanna gægjast undan bráðnandi snjóruðningum tel ég það vera óyggjandi sönnun þess að veturinn sé að láta undan síga og vorið sé á næsta leiti. Við þurfum þó að sýna þolinmæði, það er langt þangað til við getum farið að tala um sumarið, enn eru einhverjir vetrarkuldar í spákortunum, við fáum sjálfsagt páskahret og svo kannski smá vorhret á glugga í maí.

 

Mynd: Veturinn á undanhaldi í Nóatúni vestur í bæ.

Veðrið á landinu

Athugasemdir

[Lára Hanna Einarsdóttir, 10.3.2008 kl. 10:09]

  Þetta er skondin og skemmtileg mynd... en kannski er þetta rétt hjá þér með að vorið sé á næsta leiti.

Ég skýst yfir til Sigga og bendi honum á þessa færslu. Hann bíður vorsins með óþreyju.

[Sigurður Þór Guðjónsson, 10.3.2008 kl. 10:17]

Ég held að  muni vora seint og illa áður en rigningarsumarið gengur í garð.

[Lára Hanna Einarsdóttir, 10.3.2008 kl. 10:20]

Siggi bara á jákvæðu nótunum í dag... 

[Emil Hannes Valgeirsson, 10.3.2008 kl. 10:39]

Vorið kemur nú samt að lokum og sumar er sumar þótt það sé rigningasumar.

[Matthildur B. Stefánsdóttir, 13.3.2008 kl. 13:32]

Ég hef tvisvar heyrt fuglasöng undanfarna viku og það var fluga heima í gær.  Pottþéttir vorboðar.