Gosbólsturinn sýnilegur frá Reykjavík

Upp úr klukkan 18 síðasta vetrardag mátti sjá myndarlegan gosbólstur fyrir austan fjall og því greinilegt að gosið var á þeirri stundu enn í fullum gangi. Á sama tíma var lítið hægt að sjá út úr vefmyndavélum vegna veðurs og lítils skyggnis en óróamælingar benda ekki til þess að draga sé úr gosinu nema síður sé. Annars vita menn lítið um hvernig Eyjafjallajökull ætlar að hafa þetta gos á næstunni, þessi eldstöð virðist vera ólíkindatól sem kemur sífellt á óvart.

En þó að þessi gosbólstur hafi verið svona sýnilegur þarna, þarf það ekki endilega að þýða aukinn kraft í gosinu. Kannski er vindurinn hægari í háloftunum en áður og svo hefur kvikan ef til vill komist í snertingu við bræðsluvatn sem skapar þessa miklu bólstra. En hvað um það. Það er alltaf athyglisvert að sjá gosbólstur héðan úr Reykjavík.

Á myndinni er gosbólsturinn skáhalt fyrir ofan Höfða. Myndin er tekin 21. apríl klukkan 18.18.

 

Gosið ekki að breytast

Athugasemdir

[Guðmundur Júlíusson, 21.4.2010 kl. 22:59]

Ertu viss um að þetta sé gosmokkkur frá gosinu? ég tel það ósennilegt þar sem það mun hafa verið í það mikilli rénunn síðustu tvo daga ???

[Emil Hannes Valgeirsson, 21.4.2010 kl. 23:38]

Já ég er eiginlega bara alveg viss. Stefnan er rétt og svona mikið bólstraský myndast varla upp úr þurru. Það bendir ýmislegt til aukins krafts í gosinu eða einhverra breytinga, óróinn hefur verið að aukast og talsvert vatnsrennsli hefur verið úr Gígjökli síðdegis skv. vefmyndavél.

[Sigurður Þór Guðjónsson, 23.4.2010 kl. 00:48]

Þetta er gosmökkurinn og hann sást líka í dag.