Hitastig jarðar í frjálsu falli síðustu daga

Meðalhiti jarðar á heimsvísu hefur verið mjög hár á liðnu ári og hvernig sem á það er litið verður þetta meðal allra heitustu ára sem hefur mælst hafa og jafnvel það heitasta. Það var sérstaklega heitt á jörðinni fyrri hluta ársins á meðan áhrifa El Ninjo gætti í Kyrrahafinu en jafnvel þó að hin kælandi La Nina hafi tekið við í kjölfarið hefur hitinn á heimsvísu áfram haldist nokkuð hár. Kuldarnir í Evrópu og Bandaríkjunum hafa ekki lækkað meðalhita jarðar að ráði því óvenjumikil hlýindi annarstaðar hafa vegið þá kulda upp. Það þykir t.d. óvenjulegt að Hudsonflóinn í Kanada skuli ekki enn vera samfrosinn eins og hann ætti að vera búinn að fyrir löngu, en á þeim slóðum eru mun færri til frásagnar en á þeim þéttbýlum svæðum sem hafa fundið fyrir vetrarkuldum undanfarið.

Eitt besta verkfærið sem ég veit um til að skoða hitafar jarðar frá degi til dags er gagnvirk síða þar sem hægt er að kalla fram línurit um daglegan hita jarðar í neðri hluta lofthjúps, mælt frá gervitunglum, samanber þetta spagettílínurit þar sem borinn er saman daglegur hiti allra ára aftur til seinni hluta árs 1998. Þarna sést að appelsínugula línan sem táknar árið 2010 er vel fyrir ofan flækjuna fyrir neðan og sýnir hvað árið hefur verið hlýtt allt þar til síðustu mánuði að hitinn hefur fallið, en þó haldist ofarlega miðað við hin árin.

Á allra síðustu dögum hefur það hinsvegar gerst að hitaferillinn hefur fallið nokkuð snöggt og er kominn vel niður fyrir hitann á sama tíma í fyrra eins og sést hér á litlu myndinni þar sem einungis eru borin saman síðustu tvö ár. Með þessari dýfu er meðalhitinn þar með kominn niður í það sem tíðkaðist árin 1999 og 2000 en auðvitað verður að hafa í huga að öll þessi ár sem eru til samanburðar eru sögulega séð mjög hlý og innihalda flest heitustu árin sem mælst hafa á jörðinni. Gallinn við línuritið er þó að gögn frá fyrri hluta ársins 1998 skuli ekki vera með, en á þeim tíma var óvenjulega hlýtt á jörðinni – jafnvel hlýrra en í ár.

Kannski er fullmikið sagt að meðalhiti jarðar sé í frjálsu falli enda ákvað ég að hafa fyrirsögnina í æsifréttastíl. Kannski þetta bara smá dýfa sem verður fljót að jafna sig en kannski er þetta vísbending um það sem er í vændum. Hvað sem reynist rétt þá eiga menn ekki von á að árið 2011 verði eins hlýtt og árið 2010. Kaldi La Nina straumurinn í Kyrrahafi ræður þar miklu en honum er spáð góðu gengi á árinu, minnkandi sólvirkni hefur svo eitthvað að segja, en hversu mikil eru ekki allir jafn sammála.

Sjá nánar hér: http://discover.itsc.uah.edu/amsutemps/

Athugasemdir

[Sveinn Atli Gunnarsson, 29.12.2010 kl. 14:26]

Það er nokkuð ljóst í mínum huga að árið 2011 verður kaldara en 2010, spurning hversu mikið. En La Nina og lítil sólvirkni miðað við samhengi síðustu áratuga munu væntanlega hafa einhver áhrif næsta árið. Það mun væntanlega hafa einhver áhrif á umræðuna næsta árið eða svo. Fróðlegt "fall" þarna síðustu dagana.

[Jón Arnar, 29.12.2010 kl. 15:19]

Hér hja okkur er 2010 að skra sig i söguna sem hið hlýjasta fra mælingaupphafi

[Ágúst H Bjarnason, 29.12.2010 kl. 15:29]

Það sem skiptir höfuðmáli er hve lengi hitastigið heldur áfram að falla, hve mikið og hve langur tími líður þar til það fer aftur að rísa. Erum við að sjá fram á kólnun sem varir í mánuði, ár eða ártugi? Enginn veit svarið. Tíminn einn getur skorið úr um það þó svo nokkrir hafi miðað við 2030. Kannski völva Vikunnar geti frætt okkur?

Vonandi er þetta bara smá dýfa, en náttúran getur stundum verið grimm og komið á óvart...

[Emil Hannes Valgeirsson, 29.12.2010 kl. 17:17]

Ég var einmitt að lesa völvu Vikunnar. Hún segir meðal annars að það muni vora seint í Evrópu en að veðrið muni verða frekar skringilegt á næsta á ári hjá okkur. Veðrið er reyndar oftast frekar skringilegt.

[Georg P Sveinbjörnsson, 29.12.2010 kl. 17:30]

Þetta er athyglisvert og áhyggjuefni. http://killjoker.blog.is/blog/killjoker/entry/1128802/

[Ágúst H Bjarnason, 29.12.2010 kl. 20:41]

Svo er það nýjasta græja loftslagsvísindamanna. Kannski búnir að gefast upp á tölvulíkönunum?

 .

National Science Foundation

Press Release 10-243
Broken Glass Yields Clues to Climate Change

December 27, 2010

Clues to future climate may be found in the way an ordinary drinking glass shatters.

Results of a study published this week in the journal Proceedings of the National Academy of Sciences find that microscopic particles of dust can break apart in patterns that are similar to the fragment patterns of broken glass and other brittle objects...

...The finding has implications for understanding future climate change because dust plays a significant role in controlling the amount of solar energy in the atmosphere...

...The study may also improve the accuracy of weather forecasting...

... The results may lead to improvements in our ability to model and predict both weather and climate...

 "The idea that all these objects shatter in the same way is a beautiful thing, actually," Kok says. "It's nature's way of creating order in chaos."

Nei, þetta er ekki plat.  Vísindamennirnir eru í alvöru að fara að spá fyrir um loftslagsbreytingar með hjálp venjulegra vatnsglasa. Þetta er þó ekkert nýtt, því íslensku völvurnar hafa öldum saman notað kaffibolla.   

Sjá:

 http://nsf.gov/news/news_summ.jsp?cntn_id=118267&org=NSF&from=news

[Emil Hannes Valgeirsson, 29.12.2010 kl. 20:49]

Þann 8. október fjallaði ég einmitt um hugmyndir um að olíuslysið í Mexíkóflóa gæti valdið truflunum á Golfstraumnum. Sjá hér Kólnunin mikla í Norður-Atlantshafi

Ég hafði og hef enn talsverðar efasemdir um mikla dramatík tengt þeim atburðum, eitthvað er það nú samt sem veldur þessari miklu truflum á háloftstraumum með háum loftþrýstingi við Ísland og köldum lægðargangi í Norður-Evrópu. Þessari kuldatíð í Evrópu virðist þó hafa verið spáð að einhverju leyti og sjálfsagt eru þetta bara eitthvað sem gerist öðru hvoru. Ég hef líka séð vangaveltur um að lítil sólvirkni geti haft truflandi áhrif á sjávarstrauma og þá ekki síst Golfstrauminn en ég veit ekki til þess að það séu viðurkennd vísindi.

[Emil Hannes Valgeirsson, 29.12.2010 kl. 20:51]

Hvað ertu nú að koma með Ágúst?

[Emil Hannes Valgeirsson, 3.1.2011 kl. 22:02]

Nú var ég að lesa að þetta gervihnattadót var ekki að virka almennilega þarna í desember. Eftirfarandi má lesa á síðu Dr. Roy Spencer:

„THE DISCOVER WEBSITE: NOAA-15 PROBLEMS STARTING IN MID-DECEMBER
For those tracking our daily updates of global temperatures at the Discover website, remember that only 2 “channels” can be trusted for comparing different years to each other, both being the only ones posted there from NASA’s Aqua satellite:

1) only ch. 5 data should be used for tracking tropospheric temperatures,
2) the global-average “sea surface” temperatures are from AMSR-E on Aqua, and should be accurate.

The rest of the channels come from the AMSU on the 12 year old NOAA-15 satellite, WHICH IS NOW EXPERIENCING LARGE AMOUNTS OF MISSING DATA AS OF AROUND DECEMBER 20, 2010. This is why some of you have noted exceptionally large temperature changes in late December. While we wait for NOAA to investigate, it seems like more than coincidence that the NOAA-15 AMSU status report had a December 17 notice that the AMSU scan motor position was being reported incorrectly due to a bit error.“