1 á móti 35 þúsund að það verði öflugur skjálfti

Það kann að vera að þetta mat mitt sé ekki alveg nákvæmt en ég hef allavega engar áhyggjur af stórum jarðskjálfta á Reykjanesi næsta sólarhringinn, eins og einhver spákona segist sjá fyrir. Ef svo ólíklega hinsvegar vill til að það kemur öflugur jarðskjálfti þarna er ljóst að ég þarf að endurskoða allar mínar hugmyndir um gangverk heimsins og hinstu rök tilverunnar, hvorki meira né minna.
Það getur vel verið að þessi spákona hafi grísað á að spá fyrir um einn af Suðurlandsskjálftanum enda spáir fólk mikið í svoleiðs. Eftir að sú spá gekk nokkurn veginn eftir hefur aumingja konan fengið þá flugu í höfuðið að hún geti sagt fyrir um jarðskjálfta af meiri nákvæmni en færustu vísindamenn. Svoleiðis spámenn enda oftast sinn feril þegar þeir ofmetnast og gefa út áframhaldandi hamfaraspár sem ekki ganga eftir.
Spákonan virðist þó ekki þekkja jarðfræðina nógu vel því á Reykjanesskaga verða ekkert sérstaklega stórir jarðskjálftar vegna þess að jarðskorpan þar er frekar þunn enda er þetta eldvirkt svæði. Þess vegna hleðst ekki upp sama spenna á Reykjanesskaganum eins og gerist á Suðurlandsbrotabeltinu þar sem allt aðrar aðstæður eru. Það er mikill munur á jarðskjálftum upp á 6 eins og dæmi um á Reykjanesskaga eða á skjalftum yfir 7 eins og geta komið á Suðurlandi og upptökin verða tæpast yfir byggð.
En sjáum til. Ég segi 1 á móti 35 þúsund að spáin rætist. Skjálftar undir 5,5 stigum eru ekki taldir með enda teljast þeir ekki vera neitt til að hafa áhyggjur af.

Spurt um jarðskjálftaspádóm

Athugasemdir

[DoctorE (IP-tala skráð) 27.7.2009 kl. 12:49]

Eins og ég sagði á mínu bloggi, kerlingin er geðsjúklingur eða glæpakvendi.

[Axel Jóhann Hallgrímsson, 27.7.2009 kl. 13:08]

Það er hægt að spá því með fullri vissu að þarna verður skjálfti, spurningin er bara hvenær.

[brahim, 27.7.2009 kl. 13:26]

DoctorE...ég held að það sé óþarfi að gera aðför að geðheilbrigði manna sem þú þekki hvorki haus né sporð á...en þetta er víst þinn háttur...og segir mest um þinn innri mann.

 Tala nú ekki um að kalla hana glæpakvendi...hingað til hefur svona talsmáti flokkast undir rógburð.

[Sveinn Atli Gunnarsson, 27.7.2009 kl. 13:55]

Ég verð að taka undir með þér, ef það kemur skjálfti í dag, þá þarf maður að endurskoða allar sínar hugmyndir um gangverk heimsins og hinstu rök tilverunnar og það væri nokkuð stórt skref að taka...

En ætli líkurnar séu ekki ennþá minni en þú tiltekur hjá þér, sérstaklega ef við miðum við hina nákvæmu tímasetningu sem fram hefur verið sett sumsstaðar (þ.e. klukkan 23:15).

[Emil Hannes Valgeirsson, 27.7.2009 kl. 14:24]

Tja, það má gefa þessu einhverja klukkutíma til eða frá. En einhver hamfaraskjálfti þarna er nánast útilokaður.

[DoctorE (IP-tala skráð) 27.7.2009 kl. 14:43]

Að gera aðför að geðheilbrigði manna.. HALLÓ, ef einhver er að gera aðför að geðheilbrigði einhvers... þá er Lára að gera aðför að eigin geðheilbrigði.

Það er bara 2 í stöðunni..
1 svindl
2 easy money and attention whore

Reyndar er ríkiskirkjan og aðrar álíka nöttasamkomur miklu verri en Lára... ríkiskirkjan rænir td 6000 milljónum árlega frá almenning... hún kemst upp með þetta því börn eru vart komin út úr mömmuni þegar presta byrja að heilaþvo þau til að borga sér til dauðadags

[Emil Hannes Valgeirsson, 27.7.2009 kl. 14:50]

Ég held að Lára trúi þessu sjálf, sem er þá þriðji möguleikinn.

[Sigurður Þór Guðjónsson, 27.7.2009 kl. 19:49]

Það er alveg hugsanlegt að í dag verði mesti skjálfti sem mælst hefur á Reykjanesi. En það þyrfti ekki að vera neitt samhengi á milli hans og spádómsins.

[Emil Hannes Valgeirsson, 27.7.2009 kl. 20:07]

Það er rétt að sá skjálfti gæti alveg komið. En sá skjálfti yrði alltaf eignaður spákonunni hvort sem það sé samhengi á milli eða ekki og setja okkur jarðbundna menn í mjög erfiða stöðu.

[Loftslag.is, 27.7.2009 kl. 22:51]

Ég bíð spenntur

[DoctorE (IP-tala skráð) 27.7.2009 kl. 23:22]

zero skjálfti... liðið sem flúði Grinavík, ætli því líði eins og fábjanum núna... nei varla, ef fólk gleypir við svona þá fattar það ekki hvað það er vitlaust :)

[Emil Hannes Valgeirsson, 27.7.2009 kl. 23:28]

Það var skjálfti við Hengil í kvöld sem var 0,4 á Righter. Kannski var hún að meina hann.

[Emil Hannes Valgeirsson, 27.7.2009 kl. 23:30]

Og bíðum við, einn við Eldey kl. 22.56 sem var 1,4 á Righter.

[DoctorE (IP-tala skráð) 28.7.2009 kl. 09:13]

Jæja strákar ég krafðist afsökunar frá mbl.... ég var að segja satt um þessa kerlingu... hvað gerði mbl... þeir lokuðu blogginu mínu.

Þar hafið þið það, mbl vill hafa íslendinga hjátrúarfulla vitleysinga

[Emil Hannes Valgeirsson, 28.7.2009 kl. 11:17]

Þar höfum við það.